Pacquiao biktima ng fake news ni Khan
MANILA, Philippines — Tahasang itinanggi ni reigning World Boxing Association regular welterweight champion Manny Pacquiao ang Saudi Arabia fight na una nang inihayag ni Amir Khan na kasado na sa Nobyembre.
Ayon kay Pacquiao, wala itong alam sa naturang kontrata dahil nakasentro siya sa nakatakdang unification bout laban kay Keith Thurman sa Linggo sa MGM Grand Garden Arena sa Las Vegas, Nevada.
“I don’t have any idea. I don’t know that news, it’s not true,” wika ni Pacquiao.
Nagulat din ang publicist ni Pacquiao na si Fred Sternberg sa mga inihayag ni Khan.
“He has been in training camp for the past eight weeks, four in the Philippines and four in the United States, and he hasn’t met with Amir Khan during that time,” ani Sternberg.
Tila nagpapapansin lang umano si Khan na nagmula sa knockout win laban kay dating world featherweight champion Billy Dib para makuha ang World Boxing Council International welterweight title noong nakaraang linggo sa Jeddah, Saudi Arabia.
Sa ngayon ay wala pa sa isip ni Pacquiao ang susunod niyang lalabanan maging ang posibleng pakikipagtuos kina Errol Spence Jr. at Shawn Porter matapos ang Thurman fight.
“It’s hard to discuss or talk about it right now. My plan is one fight at a time. So we’ll see, we’ll finish this on Saturday then we’ll talk about that,” dagdag ni Pacquiao na nakatutok kay Thurman.
Nais niyang turuan ng leksyon ang American fighter na makailang ulit na tumirada sa kanya.
Magkakaalaman na lang aniya sa ibabaw ng ring kung sino ang tunay na malakas.
“I just always smile no matter what Keith says. It’s easy to say things, but it’s not easy to do it in the ring,” ani ‘Pacman’. “I’ve been in this sport longer than Keith Thurman, so my experience will be the difference.”
- Latest
