Injured si Cousins

OAKLAND, California — Nagkaroon si center DeMarcus Cou-sins ng torn left quadriceps muscle at wala pang katiyakan kung kailan niya muling maisusuot ang uniporme ng Golden State Warriors.

Nalasap ni Cousins ang injury sa first quarter ng first-round playoff loss ng Warriors laban sa Los Angeles Clippers sa Game Two.

Nakita sa MRI exam ang punit sa left leg ni Cousins.

Sinabi ng two-time defending NBA champion Golden State na kaagad sasailalim si Cousins sa rehabilitation.

Inaasahan ni star guard Stephen Curry na sasaluhin nina back-up centers Kevon Looney at Andrew Bogut ang maiiwang trabaho ni Cousins.