Harden mahahabol na ang record ni Chamberlain

HOUSTON -- Wala sa plano ni James Harden na lampasan ang NBA record ni legend Wilt Chamberlain.

Sinabi ni Harden na kailangan niyang umiskor ng 30 points o higit pa sa bawat laro ng Rockets para mapalakas ang tsansa ng koponan sa playoffs.

Nagtala si Harden ng hindi bababa sa 30 points sa 31 sunod na laban ng Houston na nagtabla sa kanya kay Chamberlain para sa second-longest streak sa NBA history sa ilalim ng 65-game run ng Hall of Fame center.

“The scoring streak is obviously amazing, but it’s something that I just had to do because of our situation,” ani Har-den sa isang sit-down interview kay Rachel Nichols ng ESPN.

Nagposte ang Rockets ng 21-10 record sa nasabing ratsada ni Harden sa kabila ng pagkakaroon ng injury nina guard Chris Paul at center Clint Capela.

“We had all the injuries and guys in and out of the lineup and things like that. So I think the streak just started happening, and now it’s like something to talk about,” wika ni Harden.

“But it’s not something that I’m really honestly focused on. That’s something I have to do in order to give us a chance to win the game,” dagdag pa ng star guard.

Nagtala si Harden ng average na 41.5 points para sa Houston.

Kaya naman may ilang kritisismo sa kanyang istilo ng paglalaro.

“Yeah, I hear it. It’s hard not to hear it -- especially nowadays,” ani Harden. “You have social media. You have fans that are reading what people saying and ask me about it.”