Alab ililista ang ika-15 panalo sa ABL
Francisco Cagape (Pang-masa) - February 17, 2019 - 12:00am

MANILA, Philippines — Haharapin sa ikaapat at huling pagkakataon ng nagdedepesang San Miguel-Alab Pilipinas ang nangungulelat na Zhuhai Wolf Warriors sa 9th ASEAN Basketball League Sta. Ro­sa Multi-Purpose Sports Com­plex sa Sta. Ro­sa, La­guna.

Tatlong beses pina­da­pa ng Alab Pilipinas ang baguhang koponan mula sa mainland China, ang huli ay 105-79 noong Biyernes sa teritoryo ng Wolf Warriors mismo.

Sa unang pagtatagpo ay nagwagi ang tropa ni head coach Jimmy Ala­pag, 105-95, noong Ene­ro 6 sa Lapu Lapu Ci­ty, Ce­bu at ang ikala­wa ay 100-81 sa Doumen Gymnasium sa Zhu­hai, China.

Kaya hangad din ng Chinese team na maka-isa kontra sa Filipino team na asam din ang pang-15 panalo sa 18 la­ro para sa solidong pag­ha­wak sa top spot.

Mayroon pang mahi­git siyam na laro ang na­titira sa Alab Pilipinas sa elimination round kaya hindi pa sigurado ang muling pagpasok sa Final Four dahil puwede pang makahabol ang For­­­mosa Dreamers (10-5), Singapore Sli­ngers (10-7) at Hong Kong Eas­tern Lions (12-9).

Kahit ang pang-li­mang Saigon Heat (10-8) ay may pag-asa pang humabol sa playoff.

Asam din ng tropa ni Alapag na protektahan ang kanilang malinis na 10-0 record sa home court bukod sa 4-3 road game.

Ang Wolf Warriors ay nanatili sa ilalim ng standings sa 2-16 slate at 0-7 sa road game at 2-9 sa kanilang tahanan.

Samantala, humakot si Puerto Rican giant PJ Ramos ng triple-double sa kanyang 15 points, 14 rebounds at 11 assists para sa ikatlong pa­nalo ng Alab Pilipinas kontra sa Zhuhai Wolf Warriors, 105-79, kama­kalawa at bumangon ka­agad sa pagkatalo nila sa Hong Kong Eastern Lions.

Bukod sa 7-foot-3 na si Ramos ay nag-ambag din ng 19 points, 7 rebounds, 5 assists at 2 steals si import Renaldo Balkman, habang may 15 markers si Bobby Ray Parks, Jr. na may kasamang 3 rebounds.

 

ALAB
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with