Chooks to Go-CSPC Player of The Week

MANILA, Philippines — Umani ng 24 puntos at 11 rebound si Javee Mocon para tambakan ng nagdedepensang San Beda Red Lions ang Arellano Chiefs, 90-52 noong Huwebes sa 94th NCAA basketball tournament sa The Arena sa San Juan City.

Sa matikas na laro, ipi-nakita ng Red Lions ang kanilang kahandaan sa Final Four na magsisimula sa susunod na linggo.

Bago ang semifinal round kung saan makaharap ng No. 1 team ang No. 4 finisher sa elims habang magtatagpo ang No. 3 at No. 4 sa isa pang semis match, asam muna ng Red Lions na bumawi sa Lyceum Pirates, ang ta-nging koponan na tumalo sa kanila (66-73) noong Agosto 21.

“Babawi kami sa LPU,” sabi ni Mocon.

Dahil sa kanyang ipinakitang laban sa Arellano Chiefs, napili si Mocon bilang Chooks-to-Go - Collegiate Sports Press Corps NCAA Player of the Week.

“Sana springboard sa amin ito going into the Lyceum game, especially for our bench players. Kailangan namin silang lahat for that game,” dagdag ni Mocon na tukoy ang kanilang ikalawang pagtatagpo laban sa Pirates ngayong Huwebes sa parehong venue.

Ang Lyceum (15-2) at San Beda (15-1) ay nakakasiguro na ng top two finish pagkatapos sa double round elimination kaya tangan na nila ang dalawang twice-to-beat advantage pero gusto pa rin ni coach Boyet Fernandez na tumapos sa elims bilang top team.

“We will treat our final two games as playoff games. We will be ready,” ayon kay coach Fernandez.