Pinay spikers handa sa Thailand

JAKARTA — Matapos ang matagal na panahong pagkawala sa wo­men’s volleyball sa Asian Games, magbabalik ang Pinas sa kauna-unahang pagkakataon at nais ng ko­ponan na makapagpa­kita ng magandang per­formance.

Dumating sa Soekar­no-Hatta International Air­port ang koponang pi­­­na­ngungunahan nina Alyssa Valdez, Aby Ma­raño, Mika Reyes, Ja­ja Santiago at kapatid na si Dindin Manabat at dumi­retso sa Athletes Village sa Kemayoran area.

Nagdesisyon ang Phl volleybelles na huwag nang sumama sa parada ng mga koponan sa ope­ning ceremony ngayon upang makapag-practice para sa laban kontra sa bi­gating Thailand bukas.

Pagkatapos ng Thailand, susunod na kalaban ng Nationals ang Japan sa Martes, Hong Kong sa Huwebes at Indonesia sa Sabado.

Sa Hong Kong at In­donesia malaki ang tsansa ng Pinas na manalo na kung mangyayari ay ma­kakausad ang Nationals sa quarterfinals.

“We want to make it to the quarterfinals,” pahayag ni Larong Vol­ley­ball Inc. president Pe­ter Cayco. “If we beat Hong Kong we will get to the quarterfinals. I also think we can get past In­do­ne­sia.” Mae B.Villena