Irish challenger kabado sa paghahamon kay Ancajas
MANILA, Philippines — Ngayon pa lamang ay kinakabahan na si Irish challenger Jamie Conlan sa kanyang paghahamon kay Filipino world super flyweight champion Jerwin Ancajas sa Linggo sa SSE Arena sa Berlfast, Ireland.
Ayon kay Conlan, hindi siya puwedeng magkamali ng galaw sa pagsagupa kay Ancajas sa ibabaw ng boxing ring.
“It will be the type of fight I have to stay on my gameplan and if I make mistakes I’ve made previously I could be exposed,” sabi ni Conlan sa panayam ng BBC. “I’m coming into the fight as an underdog and a big underdog at that, so I’ve nothing to lose.”
Itataya ni Ancajas, may bitbit na ng 27-1-1 win-loss-draw ring record tampok ang 18 knockouts, ang kanyang suot na World Boxing Organization super flyweight crown laban kay Conlan (19-0-0, 11 KOs).
Si Ancajas ang ikatlong Filipino world champion sa kasalukuyan maliban kina IBF light flyweight ruler Milan Melindo at IBF flyweight titlist Donnie ‘Ahas’ Nietes.
Ito ang ikatlong sunod na pagkakataon na idedepensa ni Ancajas ang kanyang suot na IBF super flyweight crown.
Ngunit determinado si Conlan na agawin kay Ancajas ang hawak nitong titulo.
“It’s going to be a chess match before I turn it in my favour,” wika ni Conlan, kapatid ng sumisikat na si Michael. “If we go down the road I’ve been down many times then it’s going to be a dark alley for him - I’m comfortable being uncomfortable, he’s not.”
Nanggaling si Ancajas sa isang seventh-round Technical Knockout (TKO) victory laban kay Japanese challenger Teiru Kinoshita sa undercard ng laban nina Manny Pacquiao at Jeff Horn noong Hulyo 2 sa Brisbane, Australia. RCadayona
- Latest
