MANILA, Philippines — Pinangunahan ni Richeel Languido at Judelyn Miranda ang men at women’s division ng 21K half marathon, ayon sa pagkakasunod para sa Davao leg ng 41st National MILO Marathon.
Naorasan si Languindo ng tiyempong 1:15:14 para talunin ang dikit na kalabang si Michale Echalieco (1:18:29) at Arnie Macaneras (1:20:19).
Pinamunuan naman ni Miranda ang female division, sa oras na 1:32:07 kasunod si Vivian Avegonzado (1:41:38) at Lalaine Payricio (1:42:22).
Makakasama nina Languindo at Miranda ang iba pang nag-qualify sa National Finals na gaganapin sa Cebu City sa December 3 para paglabanan ang titulong Milo Marathon King and Queen.
Tinatayang 10,000 runners ang nakatawid ng finish line. Pinangunahan ng mga training directors ng Philippine Olympic Committee at celebrity training coaches na sina Jim at Tony Saret ang pre-race warm up sessions para sa elite athletes at category runners, ayon sa pagkakasunod.