MANILA, Philippines - Habang hinihintay ang pagbabalik ni power forward Marc Pingris mula sa hip injury ay umaasa ang Star na pa-tuloy na masosolo ang liderato habang puntirya naman ng Blackwater ang kanilang ikalawang sunod na panalo.
Kamakalawa ay sumama na ang 35-an-yos na si Pingris sa ensayo ng Hotshots at sinabi ni coach Chito Victolero na posibleng makabalik sa aksyon ang 6-foot-6 veteran sa quarterfinal round ng 2017 PBA Governor’s Cup.
Pipilitin ng Star na mailista ang ikaapat na dikit na ratsada sa pagsagupa sa bumubulusok na Phoenix ngayong alas-7 ng gabi sa Mall of Asia Arena sa Pasay City.
Huling biniktima ng Hotshots ay ang San Miguel Beermen, 104-98 noong Agosto 4 kung saan nagbida si 6’6 Ian Sangalang.
Determinado naman ang Fuel Masters na wakasan ang kanilang apat na sunod na kamalasan makaraang simulan ang season-ending conference bitbit ang 2-0 baraha.
Sa unang laro, tatargetin ng Elite ang kanilang pangatlong sunod na arangkada sa pagsagupa sa minamalas na Aces sa alas-4:15 ng hapon.
Mula nang duma-ting si balik-import Henry Walker para palitan ang nagkaroon ng injury na si Trevis Simpson ay dalawang sunod na panalo na ang naitatala ng Blackwater.
Mula sa 0-3 panimula ay magkasunod na pina-dapa ng Elite ang Phoenix Fuel Masters, 92-86 at ang NLEX Road Warriors, 107-106 para pala-kasin ang kanilang tsansa sa quarterfinals seat.
“Henry Walker continued to be the inspiration of the whole team,” sabi ni Blackwater coach Leo Isaac sa da-ting NBA player na nag-laro para sa NLEX.
Sa panalo ng Elite laban sa Fuel Masters ay nagposte si Walker ng 32 points, 15 rebounds at 5 assists at kumolekta ng 29 markers, 15 boards at 6 assists kontra sa Road Warriors.
Samantala, determinado naman ang Alaska na mailista ang kanilang kauna-unahang panalo sa season-ending conference mula sa 0-4 kartada.