MANILA, Philippines – Nagposte ng 23 puntos si Khate Castillo upang pamunuan ang De La Salle sa panalo sa University of the East, 72-50 upang maitakda ang best-of-three title series kontra sa National University sa pagtatapos ng UAAP Seson 79 women’s basketball stepladder semifinals Smart Araneta Coliseum.
Ito ang ikatlong finals appearance ng La Salle sa loob ng apat na taon.
Hindi nag-aksaya ng panahon ang Lady Archers upang magapi ang Lady Warriors na nilamangan pa nila ng hanggang 27 puntos.
Nagtala si Love Sto. Domingo ng 22 puntos at 10 rebounds upang pamunuan ang UE.
Ang pang No. 3 ang pinakamataas na inabot ng Lady Warriors kay coach Aileen Liborio. FML