MANILA, Philippines – Napanatiling malinis ng San Beda College-Ri-zal ang kanilang kartada sa Small Basketeers Phi-lippines at Passerelle events para banderahan ang dalawang basketball tournaments ng Best Center na itinataguyod ng Milo kamakailan sa Xavier School gym.
Giniba ng Red Cubs ang host Xavier-B (2-1), 53-37, para makasosyo ang La Salle Greenhills-A sa liderato ng Group A sa magkatulad nilang 3-0 kartada sa torneo.
Umiskor ang De La Salle-Zobel ng 53-40 pa-nalo sa Notre Dame of Greater Manila (0-4).
Ibinawi ng Xavier-A ang kabiguan ng kanilang sister team nang pabagsakin ang St. Mary’s College (0-4) sa iskor na 65-1 para sa kanilang 3-0 baraha sa Group B.
Binigo ng Lourdes School-QC (2-1) ang Marist School (1-2), 55-49, at iginupo ng San Sebastian College (2-1) ang La Salle Greenhills-B (1-3), 46-34, sa iba pang mga laro.
Tumabla naman ang DLSZ-A sa Ateneo magkapareho nilang 4-0 marka sa Group A ng Pase-relle mula sa 71-51 pagdurog sa Marist (1-3), habang itinala ng University of Santo Tomas ang una nilang panalo sa 51-40 pagdaig sa Clarey (1-2).