MANILA, Philippines - Hinirang si Mac Belo ng UAAP champion Far Eastern University bilang Smart Player of the Year sa Collegiate Basketball Awards na handog ng UAAP-NCAA Press Corps at Smart Sports sa Saisaki-Kamayan restaurant sa EDSA kagabi.
Tinalo ni Belo para sa naturang karangalan ang kanyang mga kasama sa Collegiate Mythical Five na sina Kiefer Ravena ng Ateneo, Allwell Oraeme ng Mapua, Kevin Ferrer ng University of Santo Tomas, Scottie Thompson ng University of Perpetual Help.
Iginawad rin ang Coach of the Year award kina Nash Racela ng FEU at Aldin Ayo na dating coach ng Letran.
Ginawaran si Aric del Rosario ng Lifetime Achievement Award para sa kanyang mga nagawa sa University of Santo Tomas at University of Perpetual Help bilang coach.
Kahanay ni Belo na nahirang bilang top collegiate player sina Kiefer Ravena ng Ateneo at Jeron Teng ng La Salle.