Mga laro sa NCAA kinansela dahil sa hagupit ni ‘Mario’

MANILA, Philippines - Ang lahat ng laro sa Season 90 NCAA ay ipi­nagpaliban kahapon dahil sa walang tigil na pagbu­hos ng malakas na ulan bunga ng habagat na hatid ng bagyong ‘Mario’.

“All NCAAA events (bas­ketball and table tennis) are cancelled today, Sep­tember 19, 2014 based on the announcement of no classes in all levels in Metro Manila due to hea­vy rains and flooding,” wi­ka ni NCAA Management Committee chairman Paul Supan ng host Jo­se Rizal University.

Ito ang ikalawang pagkakataon sa linggong ito na nagkansela ng laro ang NCAA dahil sa bagyo.

Noong Lunes ay isi­nan­­tabi ang nakahanay na ta­gisan ng Mapua Cardinas-St. Benilde  Blazers at San Sebastian Stags-Perpetual Help Altas bunga ng paparating na bagyong ‘Luis’.

Nakatakda sanang mag­­pang-abot kahapon ang Letran Knights at ang Bla­zers at ang JRU Heavy Bombers laban sa Stags sa The Arena sa San Juan Ci­ty.

Balak sana ng Bla­zers at Heavy Bombers ang ma­natili sa pinagsasaluhang ikatlo at apat na puwesto na magpapalakas sa ka­nila sa pagtatangka ng upuan sa Final Four.

Pag-aaralan ng liga kung kalian gagawin ang apat na ipinagpaliban na mga ta­gisan. (ATan)