Arwind nanguna sa BPC race
MANILA, Philippines - Nangunguna para sa Best Player of the Conference award pagkatapos ang elimination round ng 2012-13 PBA Philippine Cup si Arwind Santos ng Petron Blaze.
At ang magiging mahigpit niyang kalaban ay isang nag-aambisyong sumunod sa yapak nina Eric Menk at Benjie Paras sa katauhan ni Alaska rookie Calvin Abueva.
Dinomina ni Santos ang eliminations sa kanyang conference-best 12.1 rebounds at 1.5 shotblocks per game.
Nag-average din siya ng 17.1 points para sa kanyang 35.9 statistical points per game average.
Pero nasa pangalawa si Abueva, ang second overall pick sa nakaraang Annual PBA Draft, sa kanyang 32.7 SPs per game mula sa kanyang 10-game averages na 14.6 points, 10.2 rebounds, 2.1 assists at 1.6 steals.
Sina Santos at Abueva ang tanging dalawang players na nag-average ng double-double sa elims.
Nag-aambisyong maging BPC si Abueva sa kanyang unang conference, nagawa ni Menk sa 1999 All-Filipino Cup, at maging Rookie of the Year at MVP sa parehong season na si Paras lamang ang nakagawa sa buong kasaysayan ng liga noong 1989.
Sina Jayson Castro ng Talk ‘N Text, Sol Mercado ng Meralco at Kelly Williams din ng Talk ‘N Text ang iba pang bumubuo ng Top 5 sa average statistical points para sa labanan para sa conference MVP sa kanilang 31.9, 31.1 at 29.3, ayon sa pagkakasunod.
- Latest