Target na Goals ng OFW
Hindi man plano ng mga overseas Filipino workers na ma-extend ang kanilang paglagi sa ibang bansa, walang choice ang OFW dahil sa mga hindi maiiwasang pinansyal na pangangailangan ng pamilya.
Ang nakasaad lang dapat sa kontra ay dalawang taon, sa malas na hindi na namamalayan na umaabot na ng apat, lima, o sampung taon sa ibang bansa. Ang iba ay talagang 20 o 30 years ang iginugol ng kanilang buhay mag-isa sa ibang bansa.
Kaya dekada na ring hindi nakasama sa mga birthdays, graduation, kasal, funeral, Pasko, at ibang pang mahahalagang event ng pamilya.
Puwede namang mapigilan ang over-staying sa ibang bansa. Kailangang magkaroon ng realistic na goal. Importante na alam din ng mga anak at asawa ang target kung hanggang kailan lamang ang goal. Upang makaipon para sa kanilang pag-aaral o makapundar ng bahay o negosyo. Pumili lamang ng isa o dalawang goals ayon sa suweldo. Saka umuwi na ng ‘Pinas, kapag na-shoot na ang target na goal. Huwag lunurin ang sarili sa pagkayod sa mga goals na mahihirapang matupad. Or else talagang babalik na lang sa ‘Pinas kapag kung kailan na lamang magreretiro o matanda na.
- Latest