Dear Vanezza,
Pangarap ng nanay ko ang mag-nurse, pero wala silang pang-aral noon. Ngayon college na ako ay tinutupad ko ang dream ng nanay ko kaya naka-enroll ako sa nursing school. Ang problema ay hindi ko ma-enjoy dahil ang gusto kong kurso ay physical therapist. Pero ayaw ko naman madismaya ang nanay ko kung magsi-shift ako. Ano ba ang gagawin ko? – Sofia
Dear Sofia,
Walang masama kung ipagtatapat kay nanay na hindi mo ma-enjoy ang pag-aaral mo. Baka sakaling maintindihan ka niya. Upang hindi masayang ang oras at tuition fees mo. Huwag pilitin ang sarili kung hindi ka masaya. Ang future mo ang nakataya at hindi ang pangarap ng nanay mo.
Sumasainyo,
Vanezza