Paandar na balik-bayan box ng OFW

Ang mga overseas Filipino workers ang tinatawag na bagong hero ng ating henerasyon. Ang sakripisyo na kanilang ginagawa ay hindi matutumbasan ng kahit anong halaga ng pera para lamang sa kanilang pamilya.

Kahit gustuhin mang makasama ang mga anak at asawa sa mga mahahalagang okasyon lalo na ang paparating na kapaskuhan ay hindi nila makapiling ang mahal sa buhay.

Upang maibsan ang kalungkutan ng naghihintay na anak at asawa na ngayon pa lamang ay nagpapadala na sina tatay o nanay ng Balik-bayan box na pinupuno ng mga items na gustong i-share ng OFW sa kanilang mahal sa buhay. Ngayon pa lamang ay may paandar ng regalo sa kanilang pamilya, hindi man physical na makasama ay pilit na ipinadadama pa rin kahit sa material na bagay.