“Bilang magulang parang hindi ako pabor. Kumbaga ang bahay siyempre extension yan ng paaralan. Kailangan may natututunan pa rin ang mga anak namin. Eh kung walang assignment sila paano sila magsisipag. Wala silang iisipin na gagawin kaya maglalaro lang sila nang maglalaro. Mas gusto ko pa nung may assignment. Kasi pagkagaling ng anak ko sa eskwela, itatanong ko kung may assignment. Kasi parang bonding na rin namin yun, yung pagtulong ko sa kanya na gumawa ng assignment.” Em-em, Quezon City
“Okay lang kasi kahit naman walang takdang aralin ang mga anak, nasa magulang yan kung gusto nilang reviewhin ang kanilang mga anak. Kumbaga, sa loob ng bahay, sila ang in charge so nasa kanila yan kung gusto ba nilang mag-bonding, puwede rin namang mag-bonding ng may kasamang educational.” Doy, Manila
“Hindi ako pabor dun. Paano, parang tinanggalan mo ang mga teacher ng karapatan sa mga anak mo. Saka paano naman yung mga project nila, paano mae-enhance ang skill ng anak mo nang wala masyadong guidance ng teacher dahil nga sa bahay ginagawa ang assignment?” - Rainier, Batangas
“Okay lang po at least mas maraming oras sa isa’t isa. Wala siyang iisipin na assignment habang kami ay nagbabakasyon o kaya naman ay nasa labas. Mas okay po yun. After all, may iba rin naman siyang dapat matutunan bukod sa academics. Nandiyan ang sports at kung anu-ano pa.” - Alfie, Quezon