Dear Vanezza,
Nasa Dubai ako, pero ipinagpalit ako ng misis ko sa marami niyang ka-chat. Buti kung isa lang, kundi tatlo pa ang mga naging karelasyon niya. Puro mga seaman na mga kaibigan ko pa naman na siyempre mas malaki ang suweldo sa akin. Ang problema ay pati ako ay inaaway ng mga misis nila. Hindi nakuntento ang misis ko sa mga perang ipinadadala ko. Gusto kong kunin ang tatlo kong anak na mga lalaki, pero ayaw niyang ibigay. Ano ang gagawin ko. – Marko
Dear Marko,
Kapag napatunayan mo sa korte ang maling ginagawa ng misis mo. Malaki ang chance na puwede mong makuha ang iyong mga anak. Puwedeng makipag-ugnayan sa DSWD kung hindi siya pumayag na kunin ang mga anak mo. Pero magagalit ang mga anak mo kung makukulong ang nanay nila. Magandang makipag-usap nang maayos para sa kapakanan ng inyong mga anak.
Sumasainyo,
Vanezza