Kung seryosong magtatag ng matibay na marriage, importante ang honesty. Ang pagtatago ng katotohanan mula sa asawa, kahit pa magandang intensyon na maiwasan ang pagtatalo ay kailanman hindi tamang desisyon.
Kung nagde-demand ng katapatan mula sa asawa, dapat lamang na sa iyo muna mismo magmula ang pagiging tapat.
Ang pang-unawa sa pagiging matapat ay higit pa sa kawalan ng kasinungalingan. Ibig sabihin ay iwawaksi ang lahat ng panloloko sa halip ay ipagkakatiwala ang sarili sa isa’t isa sa pinakamalalim na level ng relasyon. Pagpapatunay na walang itatagong kahihiyan at hindi mangangambang madiskubre man ang kasalanan mula sa nakaraan.
Kailangang parehong matapang na nagtitiwala sa bawat isa na laging maging tapat sa pagsasama ng mag-asawa. Dapat na magtulungan sina mister at misis na magpatawad at magsimula muli sa proseso na laging may katotohanan at biyaya sa pagsasama lalo na kung mayroong panlolokong naganap sa pagitan ng relasyon sa inyong nakalipas.