Ano ba ang aura? Ito ay sinag o liwanag na nakapalibot sa ating katawan.
Sa siyentipikong lengguwahe, ang aura ay electromagnetic field na nakapalibot sa ating katawan.
Ang lawak o kapal ng sinag sa ating katawan ay 2-3 feet. Dalawa hanggang tatlong ruler ang liwanag na nakapalibot sa ating katawan. Maiimadyin mo na para tayong isang malaking bombilya na nagliliwanag! Nag-iiba’t iba ang kulay ng ating aura depende sa ating mood o pinagkakaabalahan ng isip.
Pula—ito ang kulay ng mga nagagalit o mga taong hindi makapagpatawad ; problemado sa pera at ninenerbiyos.
Deep red—halimbawa ng deep red ay iyong malapit na sa maroon. Ito ang kulay ng taong praktikal, may malakas na determinasyon kahit pa nasa gitna ng paghihirap.
Neon Red o maliwanag na pula—ito ang kulay ng mga taong in love at nasa kalagitnaan ng pagtatalik.
Bright Pink—kulay ng mga taong bago pa lang sa isang relasyon o bago pa lang nakipagbalikan sa kanyang lover. Kulay din ito ng taong malambing at artistic.
Cloudy pink o parang maduming pink—kulay ng immature person at nagtataksil sa kanyang karelasyon.
Orange red—malakas ang kumpiyansa sa sarili.
Orange—kulay ng mga taong malakas ang loob, creative, adventurous, mahilig makipagkaibigan at malikhain. Ngunit kulay din ito ng taong walang ganang kumain at may problema sa “addiction”.
Itutuloy