Dear Vanezza,
Kulang na lang ay magsaksakan ang mister at anak ko na laging nag-aaway. Sinasabi ng anak ko na nagpapakatanga ako dahil sa nagtitiyaga ako sa tatay niya na ayaw magtrabaho na kuntento na lang na tambay sa bahay at kanto. Hindi maintindihan ng anak ko sa depression na pinagdaraanan ng tatay niya dahil nawalan ng trabaho. Ano ba ang gagawin ko? – Jessa
Dear Jessa,
Ikaw ang magsisilbing tulay sa kanilang pag-aaway. Dapat ay maituro sa kanila ang tunay na kapatawaran at pang-unawa sa isa’t isa para magkaroon ng katahimikan ang iyong pamilya. Malayo ang blessing sa pamilya kung puro galit na lang ang mangunguna sa iyong mag-ama. Ipagdasal ang iyong asawa at anak upang kapwa lumambot ang kanilang puso sa pagpapatawad.
Sumasainyo,
Vanezza