Dear Vanezza,
Nabuntis ako ng BF ko, pero ngayon ay buhay binata na naman siya. Ayaw niya kaming magsama dahil hindi pa raw siya handa dahil 19 years old lamang kami. Buti na lang tinanggap pa rin ako ni nanay sa bahay. Pero nanggigigil ako sa galit na hindi na nga nagbibigay ng pambili ng gatas ang BF ko ay nakuha pang ipagpalit ako sa iba. Kung maibabalik ko lang sana ang panahon, sana nagtapos muna ako sa studies ko. Lumaki akong walang tatay kaya naghahanap ako ng atensyon sa lalaki na mali pala dahil bata pa ako. Paano na ba ang buhay ko? – Rica
Dear Rica,
Hindi pa huli ang lahat. Puwede ka pa rin bumalik sa school kung yan ang gusto mo at kung willing si nanay na alagaan ang anak mo habang wala ka. Kung hindi man ay magplano ng ibang bagay para sa inyong mag-ina. Hindi pa katapusan ng mundo para maagang sumuko sa iyong pangarap sa buhay.
Sumasainyo,
Vanezza