Babae Gumagastos ng P100K kada-taon para lang sa Lingerie at Bra

Aminado si Ellie Hatfull, 27, na isa siyang underwear addict at nakakapagwaldas siya ng halos P100K kada-taon para lang dito.

Bata pa lang daw siya nang magsimula ang hilig niyang ito, hanggang sa ang kanyang hilig ay napunta na sa obsesyon at sa ngayon ay meron na siyang 150 sets ng bra at lingerie.

Ang kanyang ‘addiction’ ay nag-umpisa nang mapasok siya sa kanyang trabaho kung saan may mahigpit na dress code. Hindi raw tuloy niya ma-express ang kanyang sarili dahil balot na balot ang kanyang katawan, kaya naman napagdesisyunan niyang sa kanyang mga panloob na lang bumawi.

“No one would see it, but it would make me feel good to wear something that I knew was true to myself.

“Whenever I buy linge­rie, including lounge wear and accessories, I incorporate them into my outerwear to get maximum value from every item,” pagkukuwento ni Hatfull.

Dahil sa kanyang hilig, napagdesisyunan niyang gumawa ng Instagram gamit ang username na Lace and Haze kung saan meron na siyang 41,000 followers. Nakatulong daw ang blog niyang ito sa kanyang speech and ­writing skills dahil nakakapag-socialize siya sa ibang tao.