Isang lalaki sa Japan ang sinasabing nakitaan daw ng isang uri ng bulate o mas kilala sa tawag na Tapeworm sa kanyang utak. Nagulat na lang daw siya ng bigla siyang atakihin ng epilepsy, samantalang wala naman daw siyang sakit.
Agad siyang nagpasuri sa doktor at doon nga nakumpirmang may buhay na bulate siya sa utak. Gumagalaw galaw pa raw ito ng operahan nila ang nasabing lalaki, may haba raw itong 10 centimeter at kayang lumangoy.
“The worm was still alive when we took it out,” ani ng doktor.
“It was springy, white all over, and could swim.”
Mahilig daw sa mga inihaw at hilaw na pagkain ang lalaki at mukhang dito raw niya nakuha ang bulate. Hindi lamang daw sa mga hilaw na pagkain ito nakukuha, maging sa mga seafood din.
Ang isang parasite na katulad nito ay maaaring mangitlog at mapasama sa dugo kung saan maaaring mailagay sa utak at iba pang organs kung hindi malilinis o maluluto ng maayos ang isang pagkain.