Hindi nakapagtataka dahil sa magkalayo physically ang mag-asawa na nagkakaroon ng banta sa pagsasama nina misis at mister. Maraming OFW ang nag-aalala na baka mayroong iba nang affair ang kanilang mga asawa.
Ganito rin ang pag-aalala ng mga misis na nag-iisip kung mayroong nang ibang kinalolokohan ang kanilang mga mister sa ibang bansa. Hindi lang mga bagong kasal na napipilitan na mag-abroad ang madaling matukso sa iba, kundi sa lahat ng mga mag-asawa kahit matagal nang nagsasama, pero sa kasamaang palad ay kailangang maghiwalay dahil kailangan magtrabaho sa ibang bansa ang partner.
Ang lahat ng problemang marital issue ay naapektuhan ang mag-asawa at maging kanilang mga anak. Hindi na bagong balita ang ibang OFW na nagkakaroon ng affair dahil sa malayo sila sa bahay na nagiging malungkot at nai-enjoy ang company ng ibang kasama sa kanilang trabaho sa abroad.
Pero sana ay maipaglaban pa rin ng mga OFW ang kanilang sinumpaan na maging tapat sa mga misis at mister na naiwan sa bansa.