Dear Vanezza,
Nandito ako sa Canada na feeling ng nanay ko ay mayaman ako. Kung makahingi ay 20 thousand samantalang kabibigay lang ng kapatid ko ng pera sa kanya. Bukod pa sa pension ni nanay. Mayroon pang utang sa Bumbay. Kapag tinatanong ko ay hindi masagot kung saan niya daladalhin ang pera. Ang sumbong ng kapatid ko ay nagpapautang ng 5/6 si nanay. Ang masaklap ay hindi siya makasingil kaya ako ang pinagdidiskitahan. Hindi ko masaway si nanay dahil nagtatampo. Paano ba ako makakaipon kung waldas sa pera si nanay? – Bro Jo
Dear Bro Jo,
Makatutulong ang tatay o kapatid mo na pagsabihan si nanay sa maling pag-manage ng pera. Kung malalaman ni nanay ang plano mo sa iyong kinikita, tiyak na matututo itong humawak at magtipid ng pera. Hindi habang panahon ay malakas at kumikita ka na dapat ipaalala kay nanay para matuto rin itong mag-ipon ng pera.
Sumasainyo,
Vanezza