Choc Nut throwback donut ng mister nakakadismaya

BURP REVIEW

Naaliw kami nang madaanan ang isang puwesto ng Mister Donut dahil may bagong labas silang premium flavors. Ito ang Throwback Donuts na available sa tatlong variants – Choc Nut, Flat Tops, at Haw Haw.

Kung batang 90’s ka ay siguradong mai-excite ka sa hitsura ng tatlong donuts dahil may isang buong chocolate/candy toppings ito.

Tinikman namin ang Choc Nut dahil naubos na ang Flat Tops na siya raw pinakamabenta. Unang kagat ay nadismaya agad kami dahil matigas ang tinapay at parang bakery bread lang. Hindi rin masyadong lasa sa filling ang choco peanut flavor. Tanging ang Choc Nut bar na toppings ang lasang chocolate peanutbutter.

Nakakaaliw sana pero gawan naman nila ng solusyon ang lasa maging ang mismong tinapay. Sayang ang concept. P25 ang isang piraso nito. Burp!

Lasa: 1/5; Presentasyon: 2/5; Presyo: 3/5

Para sa mga suhestiyon tungkol sa pagkain, o kung mayroon kayong recipe na gustong ibahagi, maaaring mag-email sa [email protected]