Sa lahat ng pagkakataon ay laging panghawakan ang virtue ng pagiging fair o patas sa mga tao. Maging fair para sa lahat lalo na sa iyong mga empleyado. Magkaroon ng rules at policies sa kompanya upang magkaroon ng reward at punishment na maging consistent sa pagpapataw na wala dapat kinikilingan. Tama lang na bago pa ang lahat ay alam na dapat ng mga tauhan ang values na pinanghahawakan ng kompanya. Mula sa adhikain, rules, policies, guidelines, at pinaninindigan ng opisina upang sumunod din sa polisiya ang mga staff at crew.
Kung mayroong rules walang lalabas na sopresa pagdating sa pagbibigay ng correction na ginagawa ng kompanya. Wala dapat hidden agenda ang Human Resources (HR) sa pagpapatupad ng rules ng kompanya. Huwag agad basta magpapataw ng disciplinary action na walang masusing pag-iimbestiga. Huwag din isipin ng mga empleyado na ang pagbibigay ng rules ay para sa paghihigpit ng kompanya, kundi upang magkaroon ng magandang kaayusan at standard ang flow ng patakaran ng kompanya. Huwag din kalimutan ng kompanya na ang ibigay ang nararapat na reward para sa mga empleyado. Dahil ang happy at busog na wallet ng mga employees ay pampagana upang mas lalong maging productive sa kanilang pagtatrabaho.