Kinokonsidera ng mga lalaki na ang physical intimacy ay ang pinaka-importante sa mag-asawa. Natutunan ng mga lalaki na ito ang sentro ng kanilang pagkalalaki. Kailangan din ng mga misis na pahalagahan ang intimacy kay mister sa bawat level ng kanilang pagsasama.
Ito ay regalo ng Panginoon na ginawa para sa mag-asawa. Dapat maging handa si misis na matuto at lumago kasama ni mister habang nagtatagal ang kanilang marriage life. Hindi madali, pero walang imposible kung parehong magpapasakop sina mister at misis sa kalooban ng Panginoon.
Pag-usapan kung paanong dapat mabigyan atensiyon ang pamilya. Huwag bibitiw ang mga misis na laging mahalin si mister sa kabila ng kanilang pagkakamali. Magpasalamat din ang mga misis sa Panginoon na binigyan sila ng asawang lalaki. Ganundin ang mga asawang lalaki kay misis. Magkapit ng kamay ang mag-asawa sa pagharap sa hamon ng buhay. Mahirap, pero mas gagaan ang problema kung magkatuwang na magkasama ang mag-asawa.