Dear Vanezza,
Sabi ng nobyo ko, ako lang daw ang dahilan kung bakit sumiglang muli ang buhay niya. Dahil iniwanan siya ng kanyang asawa. Tapos nalaman ko, nagkabalikan sila. Ako ngayon ang inaaway at sinasabihang walang delicadeza ng misis niya, samantalang hindi naman sila magkasama sa iisang bahay. I swear malinis ang konsensiya ko, hindi ako ang dahilan ng hiwalayan nila. Dahil dumating ako, hindi na sila magkasama. Ngayon ako pa pinagmumukhang kabit nilang mag-asawa. Paano ko ba ipagtatanggol ang sarili ko? – Aileen
Dear Aileen,
Kahit saang anggulo, kabit ka pa rin. Hindi mo kailangang magpaliwanag o ipagtanggol ang sarili mo. Sapat nang alam mo kung ano ang totoo. Marami pang matitinong lalaking single na makikilala mo. Kaysa sa ipagsiksikan ang sarili mo sa lalaking walang kuwenta.
Sumasainyo,
Vanezza