Sino bang hindi gustong yumaman? Lahat ay naghahangad na maging tagumpay at maging milyonaryo sa kanyang buhay.
Madalas nagsisimula ito sa naisin na umangat ang buhay para sa kanyang sarili at pamilya. Sa mga Pinoy likas ang malakas ang family ties at bonding kahit pa sa maliliit na negosyo.
Sa mga Pinoy ay uso ang gaya-gaya na habang lumalago ang negosyo, marami rin ang nagsusulputan. Ang maganda nito, sa bawat lumalagong business ay nagbibigay rin ito ng trabaho sa mga miyembro ng pamilya, ibang tao, at pati na rin sa buong bansa. Dahil kasunod ng negosyo ay ang pagbabayad ng buwis sa gobyerno sa bawat paglaki ng business. Kapag tumigil ang negosyo, nababawasan din ang pagkuha ng tax ng BIR nawawalan din ng benepisyo ang mamamayan.
Kaya sa bawat pag-usbong ng negosyo, domino effect din na hindi lang nagkakaroon ng komportableng buhay para sa sariling pamilya, kundi nabubuo rin ang nation building. Mas maraming business ay nababawasan ang kahirapan sa bansa. Dahil sa team building ng pamilya sa effort na maging matagumpay ang kanilang pinaghihirapang negosyo.