MANILA, Philippines - Kapag nagdesisyon na tumigil sa pagsisigarilyo, hindi maiiwasan na may urge na magsindi pa rin ng yosi. Kailangan subukan na ibaling ang paghithit sa mga activities na mas healthier ang habits.
Tanungin ang sarili bakit ba nagsisigarilyo, ito ba ay pang pa-relax? Ang iba ay pangtanggal ng tension, nerbyos, takot, pressure, at stress. Saka mag-isip ng activities na makatutulong na ma-deal ang mga nasabing anxiety na maaaring sa pamamagitan ng paglalakad at pag-eehersisyo. Maghanap ng enjoyable habits tulad ng paggitara, pagkanta, pag-drawing, pagbabasa. Magpraktis ng paghinga o breathing exercises. Makinig ng music. Mag-aral ng mga relaxation techniques.
Ang iba, ang paninigarilyo ay inuugnay sa nakakatuwang sitwasyon. Bakit hindi subukan na manood ng movie o TV. Maligo nang matagal. Makipag-bonding sa kaibigan. O i-treat ang sarili ng healthy snack.