Ngayong panahon ng taga-lamig dahil sa bagyo at paglamig ng simoy ng hangin ay “in” ang sweater o jacket na ginagamit o pangporma. Hindi lang basta ito tinutupi at i-stock sa loob ng cabinet pagkatapos malabhan.
Ang label o taketa sa loob ng sweater ay nagsasabi kung paano i-TLC (tender loving care) o ingatan ang balabal para ito ay magamit nang magtagal. Basahin ang label na susi paano ito ingatan. Sundan ang instruction sa taketa kung paano o bago ito lalabhan. Dahil hindi lahat ng damit, tela, o sweater ay kailangang dumaan sa washing machine. Kung ang sweater ay woolen ang tela na bago itago ay kailangan dry-clean lalo na kung madalas itong gamitin. Dahil sa delikado ang bawat hibla at sinulid ng sweater na kung namantsahan ay mas madaling masira kapag kinusot ng kamay. Huwag din isasabit ang sweater o jacket lalo na yung gantsilyo ang tela na mas luluwag ang sinulid na malaking ang tsantang sumabit sa hook o pako. Bukod sa magkakaroon ng butas ay permanente nang masisira ang shape at fit nito. Ang sweater ay dapat laging nakatupi kapag itatago sa cabinet.
Hindi dapat isinabit ito sa clothsline o hanger dahil nakasisira ito ng shape na lalawlaw o babagsak ang fitting ng sweater.
Ang ibang cotton sweater ay puwedeng labhan sa washing machine o pagkusot ng kamay. Hindi rin basta masisira ng matapang na sabon o powder na detergent hindi tulad ng klase ng woolen o cashmere.
Pero huwag ibilad sa sikat ng araw kapag isinampay dahil madaling kukupas ang natural ng kula ng sweater o jacket.