Dear Vanezza,
Nagtatrabaho na po ako sa isang hotel, pero hanggang ngayon ay pinanghihimasukan pa rin ni Mama ang lovelife ko. Ang problema pa, ang gusto ng mama ko ay magkapag-asawa ako ng isang foreigner. Wala namang problema sana sa akin, ang kaso matandang Kano na 64 years old ang nagkakagusto sa akin, samantalang 25 years old lang po ako. Palihim lang kaming nagkikita ng nobyo ko dahil mas boto si Mama sa matandang foreigner na kinakwartahan naman ng nanay ko. Payuhan n’yo po ako. Ms. Cancer.
Dear Ms. Cancer,
Nasa hustong edad ka na para magdesisyon kahit sa larangan ng pag-ibig. Kausapin mo ang mama mo at pagpaliwanagan ang gusto mo sa buhay. Maiintidihan niya kung sasabihin mo ang totoo tungkol sa nobyo mo.
At sabihin mong hindi mo gusto ang nirereto ng nanay mong Amerikano, hindi dahil sa matanda na ito, kundi dahil hindi ito ang iyong mahal. Walang ina na makatitiis para sa ikaliligaya ng kanyang anak. Kaya magsabi ka ng totoo at ipaglaban mo ang iyong pag-ibig. Makatutulong din ang nobyo mong humarap sa mama mo. Para patunayan ang magandang hangarin niya sa iyo.
Sumasaiyo,
Vanezza