Dear Vanezza,
Tawagin mo na lang akong Ritchel, 21 years old. Mayroon po akong manliligaw na hindi ko gusto. Mayroon naman akong gustung-gusto pero iba ang nililigawan at ngayon ay mag-on na sila. Ginawa ko na ang lahat para mapansin niya ako pero wa epek. Bakit po kaya ganoon? Kung sino ang mahal mo ay ayaw sa iyo habang ang inaayawan mo ay pilit na nanliligaw sa iyo. Masama ba kung ako na ang magtatapat sa kanya kahit mayroon na siyang gf?
Dear Ritchel,
Hindi maganda sa babae ang manliligaw sa lalaki. At lalung pangit na ikaw ay nang-aagaw ng pag-ibig sa iba. You make yourself very cheap. Dapat mong harapin ang katotohanan na walang gusto sa iyo ang lalaking iyon. Kung patulan ka man niya dahil sa iyong persistence, malamang hindi ka niya seryosohin at paglaruan ka lang. Kaya ‘wag mo ng ipilit pa ang iyong sarili para hindi ka masaktan. Matatagpuan mo rin ang lalaking mamahalin mo at magmamahal sa’yo.
Sumasaiyo,
Vanezza