Tuloy pa rin pala ang dating nina Derrick Monasterio at Elle Villanueva kahit tapos na ang GMA afternoon series nilang Return To Paradise.
Eh si Derrick ang unang aktor na naka-intimate scenes ni Elle at nakahawak sa kanyang katawan sa mga eksena nila sa series.
Nabanggit minsan ni Derrick sa isang interview na kagagaling lang niya sa breakup with another girl. Looks like si Elle ang nakapuno ng lungkot ng hunk actor nung panahong wala na sila ng dyowa niya, huh!
Alfred, nagbabawi
Nagbabawi si QC Councilor Alfred Vargas sa panahong inukol niya ang sarili sa paglilingkod sa bayan ng ilang taon.
Eh ngayong mas limitado ang sesyong dinadaluhan bilang QC councilor, nakapagbigay siya ng mas mahabang oras para sa una niyang passion na acting.
Bahagi ng cast ng bagong GMA series na Ara Bella si Alfred. Sila ni Camille Prats ang makasama rito at mga baguhang Sparkle stars.
Nagmarka sa manonood ang special role ni Afred sa ongoing Kapuso series na Unica Hija.
Sa Ara Bella, sila ng aktor na si Wendell Ramos ang magbabakbakan sa aktingan sa series na si Adolf Alix, Jr. ang director.
Bukod sa pag-arte, nakatakda ring mag-produce pa ng movies si Konsehal Afred.