Dennis at Jennylyn, dinisplay na ang anak

Feeling teenager itong sina Dennis Trillo at Jennylyn Mercado na may face reveal-face reveal ek-ek pang nalalaman sa kanilang anak!

Pero pagdating sa vlog, inilalabas naman nila ang mukha ng bata, huh!

Naku, bata pa anak nila. Huwag nilang ipangalandakan nang ipangalandakan sa publiko! Bigyan ng privacy at huwag masyadong ilantad sa publiko, ‘no?

Apoy..., patok bawat episode sa online

Umabot na sa mahigit 1 million views ang inaabot ng Kapuso afternoon series na Apoy Sa Langit within 24 hours sa bawat episode.

Eh sa YouTube naman, 12 million views and counting ang nakakapanood nito.

Bet na bet ng viewers at netizens ang kalandiang ginagawa ni Lianne Valentin kay Zoren Legaspi, huh!

Sumama na sa milyong nanonood ng ASL para hindi mahuli sa chikahan!

Boobay, bida sa MPK

Laging panalo sa ratings ang bawat fresh episode ng Magpakailanman tuwing Sabado.

Eh ‘yung tampok na kuwento last Saturday ng buhay ng komedyanteng si Dagul at anak niyang Little Person din, pinadapa humamig ito ng 13.2% ratings kaya dapang-dapa ang katapat nito.

Ngayong Sabado isang kuwento ng LGBT ang handog ng MPK, ang LGBT: Love Goals, Bakla, Tomboy na pagbibidahan nina Boobay at Vaness del Moral.