Isa ang Encounter (K-drama) sa tinutukan ng Pinoy fans nang ito’y ipalabas ng ABS-CBN in 2019. Ito’y pinagbidahan nina Park Bo-gum at Song Hye-kyo kung saan din tampok sina Jang Seung-jo at Jeon So-nee na ipinalabas sa South Korea mula November 28, 2018 to January 24, 2019.
Ang Philippine adaptation ng Encounter ay pinagbidahan nina Cristine Reyes (32) at Diego Loyzaga (26) na pinamahalaan ni Jeffrey Jeturian.
Ito’y co-produced ng Viva Entertainment at Cignal Entertainment at ipinalabas sa TV5 a few months back. Pero simula sa July 23 (Friday), matutunghayan na ito sa Vivamax.
Samantala, inamin ni Diego na possible umano siyang mainlab sa isang babaeng mas matanda sa kanya dahil hindi naman umano edad ang mahalaga sa mga taong nagmamahalan at nagkakaintindihan. Pero sa ngayon, he is very much in love sa kanyang girlfriend, ang Kapamilya actress na si Barbie Imperial who is four years his junior.
Hindi naman makakalimutan ng young actor ang kanyang first encounter with his biological father, ang actor-director na si Cesar Montano at nang dumating sa kanyang buhay ang kanyang girlfriend ngayon na si Barbie.
First unforgettable encounter naman kay Cristine ay nang isilang niya ang kanyang daughter na si Amarah Reyes Khatibi six years ago.