JLC, gumamit ng eroplano para sa pagbalik

MANILA, Philippines — Kinumpirma na rin ng Crown Artist Management ni Maja Salvador na sila na ang magha-handle sa pagbabalik-showbiz ni John Lloyd Cruz.

Ang guwapo-guwapo ni Lloydie sa pictorials na inilabas na press release ng CAM.

May ginamit pa silang eroplano, champagne, at may pa-red carpet sa kanyang pagbabalik sa industriya.

Sabi sa ipinadala nilang press release noong nakaraang Sabado ng hapon, “We are happy to share with you the CAMback of the one and only John Lloyd Cruz, now under Crown Artist Management (CAM). As long time friends in and out of the industry, Maja and JLC will now be helping each other in this stage of their careers. CAM will now be in charge of all his inquiries after his long hiatus. We are sure that a lot of his fans are anticipating this, so the time has already come. THE JOHN LLOYD CRUZ is back!”

Sandaling naka-message ko ang isa board of directors ng CAM at boyfriend na rin ni Maja na si Rambo Nuñez, inaayos daw nila ang schedule na magpa-presscon si John Lloyd kasama si Maja. Depende pa raw kung ready na ang aktor.

Hindi lang daw muna nila maibahagi ang ilang detalye ng kontratang pinirmahan ni John Lloyd sa CAM. Nasa legal pa raw kasi.

Sa pagbabalik ni John Lloyd sa showbiz, mara­ming plano ang CAM para sa kanya.

Natapos na nito ang Servando Magdamag na shinoot pa sa Bicol, pero may ilan pa raw naka-line up na pelikula at meron ding possible TV show.

Hindi lang masabi kung ito pa rin ba ang binabalak ng Brightlight Productions na TV show para sa aktor.

May ilang negotiations na rin daw na possible endorsements.

Nakaka-text ko nga ang isa niyang kaibigang si Paolo Contis. Happy si Paolo sa pagbabalik ni Lloydie.

Hindi pa nga raw sila nagkikita, dahil matagal na raw nilang balak na dalawin si Tita Caridad Sanchez na naging malapit sa kanila.

International Silent filmfest, kakaibang karanasan para sa mga kabataan

Kapag medyo humupa na ang pandemya at bumaba na talaga ang COVID cases sa bansa, ma­ging okay sana ang International Silent Film Festival (ISFFM)  2021 na binubuo ng Film Development Council of the Philippines na kung saan nakipag-collaborate ito sa Embassy of France in Manila, Philippine Italian Association, Goethe-Institute Philippinen, Instituto Cervantes de Manila, at Japan Foundation-Manila.

Para ito sa Mit Out Sound (MOS): International Silent Film Lab 2021 ng 15th ISFFM sa Nobyembre.

Nakipag-negotiate kasi sina Madam Liza Diño-Seguerra sa NCCA para magamit na ang Metropolitan Theatre.

Dito ay ibabalik nila ang silent filmma­king sa Pilipinas na kung saan may sampung filmmakers ang pipiliin ng ISFFM committee para sumailalim sa intensive MOS film lab. Kabilang sa aktibidades ng MOS ang Visual Storytelling Lab, Safe Filming Lab, at Editing Lab sessions via Zoom.

Participants will each be awarded a production grant worth PHP 50,000 to produce their silent shorts.

Kung matutuloy ito sa Metropolitan Theatre, kakaibang experience ito ang silent film na sinasabayan ng live band o orchestra sa mga kabataang filmmakers.

Ang silent film na pinanggalingan ng ating cinema sa ngayon. Sabi nga ni Professor Nick Deocampo,  

“The whole point is, let’s go back to the very lessons that silent cinemas has given us and this is film language.

“For me, it’s very important because it brings us back to the very essence of what cinema is.”

Sa buong detalye at para malaman ang buong mechanics, puwede n’yong i-check sa https://www.fdcp.ph/mitoutsound at maaari kayong makipag-ugnayan kay Ms. Julienne Calugcug sa [email protected] o kaya sa [email protected].