Ang daming artistang biniktima ni Maja Salvador sa kanyang prank call na in-upload niya sa YouTube channel. Isa sa napaniwala niya ay si John Lloyd Cruz na kinuha niya kunyaring ninong sa kasal nila ng boyfriend na si Rambo Nuñez.
Para mas kabilib-bilib, may date pa si Maja ng civil wedding kuno nila ni Rambo na March 28.
Una munang tanong ni Maja kay Lloydie ay kung kelan ang balik nito sa Manila. “Mga March 28 kaya nandito ka na?” tanong ni Maja. Sagot naman ni Lloydie, “siguro naman oo. Bakit?”
Sey ni Maja, “wag ka muna maingay. Hindi ka naman madaldal. Attend ka naman sa civil wedding namin ni Bo.”
Okay agad ang sagot ni Lloydie. “Nandu’n ka, ha, pramis. Sabihin ko sa iyo kung anong oras,” ani Maja.
“O, sige 28. Hindi, teka lang kasi mag-o-oo na naman ako tapos ‘di ko pa alam,” sabi naman ulit ni Lloydie.
“Oy, dapat nandoon ka grabe ka sa akin, ninong ka nga eh,” patuloy na panggu-goodtime ni Maja.
“Sige, sige oo. Kung wala man ako, uuwi ako,” pagpayag ni Lloydie.
Tanong pa ni Maja, “ready ka na ba para sa akin?”
Sagot naman ng aktor, “oo, matanda ka na.”
Pagkatapos ay ni-reveal na ni Maja na prank lang ito at wala naman talagang kasal.
“Ah, ganu’n?” sabi ni Lloydie. Tumawa si Maja. Sey ulit ng aktor, “ang corny naman ng reaction ko.”
Pero na-touch naman si Maja na luluwas talaga si Lloydie para dumalo sa kanyang ‘kasal.’ “At least, uuwi ka, ‘di ba? Effort! I felt the love,” sey ni Maja.
Bukod kay Lloydie, nabiktima rin ni Maja sina Alex Gonzaga, Rayver Cruz, Kakai Bautista at Joshua Garcia.