Barbie at JM, friends na pero hindi nag-uusap!

Ikinuwento ni Barbie Imperial na okay na pala sila ni JM de Guzman na matatandaang nakaalitan niya matapos silang magkasama sa Precious Hearts Romances Presents: Araw Gabi noong 2018.

Habang ginagawa kasi nila ang serye ay na-link sila pero bandang huli ay itinanggi ni JM na naging sila na ikina-hurt naman ni Barbie. At dito na nga nagsimula ang kanilang misunderstanding.

Sa interview ni Barbie with DJ Jhai Ho’s online show few days ago ay sinabi ng aktres na nagkita sila ni JM sa isang burol at nag-hi-hello naman daw sila sa isa’t isa. Pagkatapos nito ay nagkayayaan daw ang produksyon ng Araw Gabi including direk Ruel Bayani na magpagpag sila kaya magkakasama raw silang kumain.

“Kumain kami, masaya. Okay kami. As in, friends kami. Kasi dati nasabi ko na hindi ko siya kayang maging kaibigan,” aniya.

“Ganu’n naman talaga kapag nasaktan ka, ‘di ba. Parang hindi mo kaya pang maging kaibigan ‘yung isang tao,” dagdag pa niya.

Matagal daw silang hindi nag-usap ni JM pero at least ngayon ay okay na raw ang lahat.

“Masasabi ko na friends kami, pero ‘di naman kami ‘yung friends na nag-uusap. Hindi kami nag-uusap, like, friends lang talaga,” she said.