Vice Ganda gustong pakainin ng t*e ang mga kurakot sa PhilHealth

Galit na naman ang taumbayan ngayon dahil sa rebelasyon ng isang whistleblower na P15 billion pesos diumano ang nakurakot ng mga opisyales Philippine Health Insurance Corp. o PhilHealth.

Maging ang celebrities natin ay nagpahayag din ng kanilang galit at kinokondena nila ang umano’y ‘nakawang’ naganap.

Si Vice Ganda ay talagang nagmura pa at nagsabing dapat daw ay pakainin ng t*e ang mga magnanakaw sa PhilHealth.

“Parusahan ang mga magnanakaw sa Philhealth. Ikulong! PAGDUSAHIN. Pakainin ng ta- ang mga fot-enang yan! Pagsama samahin ang lahat ng laway ng mga may sakit at ipainom sa kanila. Walang kompa-compassion sa mga demonyo! Mga ulul! Sumakit tuloy ang ulo ko! Akin na ang Saridon!” tweet ni Vice Ganda.

May pahayag din si Bianca Gonzalez. Tweet niya, 15. BILLION. PESOS.  Iniisip mo pa lang kung gaano kalayo ang mararating ng 15 Billion pesos sa COVID response.

Si Zsa Zsa Padilla naman ay nag-tweet na ibalik daw ang pera at nagmakaawa kay Pres. Rodrigo Duterte na imbestigahang mabuti ito at ipakulong ang magnanakaw. “Para yan sa kalusugan ng taong bayan na pinagtrabahuhan. Ano na, Philhealth?! Ibalik nyo ang pera!!! Imbestigahan yan ng maiigi at sana ipakita sa atin ng ating Pangulo na talagang maimbestigahan ng maiigi at maipakulong ang mga magnanakaw!!! President Duterte, parang awa nyo na,” tweet ni Divine Diva.

Pahayag naman ni Jason Abalos sa kanyang tweet,  “Woow!! kawawang pilipinas, nakakawalang pag-asa.”