Jennylyn tumangging maging neutral

Hindi nakapagpigil si Jennylyn Mercado sa kanyang bashers na binabatikos siya dahil sa pagpo-post niya ng pagtatanggol sa ABS-CBN. May nagsasabi kasing dapat ay manahimik na lang siya since hindi naman siya Kapamilya talent.

“One quick reminder to the people na nag­rereply ng, shhh , shut up o tumahimik ka nalang, at huwag ka mangelam...  Respecting other people’s opinion is a value you seem to have forgotten..” ang tweet ni Jen.

Ipinaalala rin ni Jen sa bashers na isa sa basic rights natin is the right to speak. “The moment you hinder someone from speaking their mind is the moment you failed to respect the rights of your fellow Filipino,” ani Jen.

Actually, bihirang mag-post si Jen sa kanyang mga social media accounts especially sa Twitter and Facebook. Mas active siya sa kanyang Instagram account.

Pero pag may mga nakikita siyang mali na dapat niyang isatinig, talagang hindi niya matiis na hindi magpahayag ng kanyang nararam­daman.

Ilang years na siyang inactive sa Twitter at naging aktibo lang ulit ngayon dahil gusto niyang iparating sa lahat ang kanyang saloobin dahil sa pagkaka-deny ng prangkisa ng ABS-CBN.

Hindi lang naman ang network mismo ang ipinaglalaban ni Jen kundi ang 11,000 employees na nawalan ng trabaho.

Naniniwala ang aktres na hindi ngayon ang panahon para dagdagan pa ng bansa ang unemployment rate na tumaas na nga dahil sa COVID-19 pandemic.

“When the Philippines unemployment rate just recorded an all time high, that’s when the congress decided to terminate a renewal which will cost and additional thousands of people their jobs. Nasan ‘yung logic dun?” tweet ni Jen.

May sumagot naman sa tweet ni Jen regarding her right to speak. Komento ng netizen, hindi raw masama ang magbigay ng opinyon pero mas maganda raw na maging neutral na lang siya para makaiwas sa bashing. “At the end of the day, ur not kapamilya star,” sey pa ng netizen.

Sagot naman ni Jen, “but I am a Filipino and that alone is enough. To be neutral or silent in times of injustice is injustice. If being “bashed” is a small price to pay for practicing my right to freedom of speech. Then I am fine with it.”