‘Walang in-betweens…’
Lagi kong sinasabi na sa paggawa ng desisyon dapat mayroon kang clear stand, either you are a Yes or No, hindi ka puwedeng sa gitna, dahil madalas ang nasa gitna ang tinatamaan.
Once you made your decision, ipaglaban mo ang pinanigan mo. Hindi puwede na hindi clear ang positioning mo. I will not question why Cong. Alfred Vargas inhibited from voting, or why he has conflict of interest. I will only support and accept whatever he says, by respecting his decision.
Maaaring iba kami ng pagtingin sa pagbibigay ng side, pero isang bagay ang dapat isipin, siya ang nasa posisyon para magbigay ng desisyon, so iyon ang dapat niyang gawin.
Mahirap talaga ang kalagayan nila na may koneksiyon sa showbiz , and at the same time, mayroon ding responsibilidad sa bayan bilang mga opisyal.
Hindi ko alam kung ano ang nanaig , puso o utak sa bagay na ito, but I will always be on whatever side Alfred Vargas will take.
Alaga ko siya, I will always stand by him, no matter what.
‘Wag nang dumagdag sa problema’
As a manager, kahit ano pang sabihin ay affected ako sa pagsasara ng ABS-CBN. Totoo na mas associated ako sa GMA 7, pero ang dami ko ring talents na nagtrabaho at nagtratrabaho pa sa ABS-CBN. Kahit sinong taga-showbiz, mas lamang ang pagnanais na patuloy na umandar ang makinarya ng Channel 2, imposible na ang gusto mo lang ay GMA 7 o TV 5. The more TV channel stations, the better for the stars and the movie press.
Wala rito ang issue ng kampihan, gusto mo mas marami ang istasyon para mas maraming trabaho. Lahat ng taga-showbiz affected, pero mayroon ka bang magagawa kung iyon na ang nangyari? Mayroon bang maitutulong kung magalit o magsulat ka? Hindi lahat ng issues kaya mong ilaban, may mga bagay na hihintayin mo ang tamang panahon para makita ang magandang resulta.
No to combative stand, no to provocation, gamitin ang utak para hindi dagdag sa problema.
- Latest
