Hindi pa rin pala nakakabalik ng Manila si John Lloyd Cruz.
Sa latest post ng The Freeman, sister publication ng Pang Masa sa Cebu, spotted ang actor na nakikipag-meeting sa mga official ng Brgy. San Nicolas, Cebu for programs for the youth daw sa naturang barangay with SK leader and brgy. captain at iba pang officials.
So may chance kayang doon na tumira ang actor, at maging pulitiko na lang sa probinsiya ng kanyang ex na si Ellen Adarna kung saan sila may isang anak na si Elias?
Julia nag-welcome sa Probinsyano, Coco nanahimik
Naki-join si Julia Montes sa pag-welcome sa Ang Probinsyano ni Coco Martin. “Babalik na sya!,” ang post niya the other night nang i-announce nga ng ABS-CBN sa social media platforms na babalik na ang iba nilang programa sa isang bagong cable channel, Kapamilya Channel.
Siyempre, alam ng lahat na si Julia diumano ang nanay ng anak ni Coco kung totoo nga ‘yun pero kapwa sila walang inaamin.
Anyway, aside from Probinsyano kasama nga sa aarangkada uli ay ang Love Thy Woman at A Soldier’s Heart, pati na ang It’s Showtime mula Lunes hanggang Sabado at sa ASAP Natin ‘To tuwing Linggo.
Ganundin ang Magandang Buhay nina Jolina Magdangal, Melai Cantiveros, at Karla Estrada na live na uli mula Lunes hanggang Biyernes.
Magsisimula na rin uli ang The Voice Teens, kasama sina Apl.de.ap, Sarah Geronimo, Bamboo, at Lea Salonga.
Ganundin gabi-gabi ang TV Patrol.
Sa mga bagong programa naman mapapanood sina Judy Ann Santos-Agoncillo sa Paano Kita Mapasasalamatan at tuwing Linggo naman makakasama si Angel Locsin sa Iba ‘Yan na parehong public service ang format.
Mag-uumpisa silang bumalik sa ere sa June 13, sa paglulunsad nila ng Kapamilya Channel sa SKY, Cablelink, G Sat, at karamihan ng cable operators na miyembro ng Philippine Cable Television Association (PCTA) sa Pilipinas.
Hanggang kahapon ay trending sa Twitter ang Probinsyano.
Samantala, habang maingay ito sa social media ay nananahimik pa naman hanggang kahapon si Coco. Matapos ang ‘galit’ sa pagsasara ng ABS-CBN.