Maraming nag-abang the other night ng One Night With Regine Concert for Bantay Bata.
Umabot sa P4.2 million ang naipon ng fund raising birthday concert niya na ginanap sa kanilang bahay sa Quezon City at napapanood ng live sa Facebook page ng ABS-CBN.
May duet pa sila ng Disney legend na si Ms. Lea Salonga na kinatuwa ng mga nanood.
Ayon kay Regine, siya mismo ang personal na nag-request ng nasabing duet kay Lea.
Aminado si Ms. Lea na mahirap ka-duet si Regine pero gusto raw niyang magkaroon sila ng concert pagkatapos ng pandemic na ito.
Nag-donate naman ng P1 million si Sharon Cuneta at iba pang kaibigan ni Regine na ayon sa Asia’s Songbird ay pinagtatawagan niya para mag-donate.
Naging punong-abala naman ang mister niyang si Ogie Alcasid sa One Night With Regine na 50th birthday celebration na rin niya.
Ang digital concert na nga yata ang magiging new normal sa concert scene habang may coronavirus pandemic.