Hinirang bilang Favorite Female Artist si Sarah Geronimo sa katatapos lang na 32nd Awit Awards. Nanalo rin ang single ni Sarah na Isa Pang Araw bilang Best Song Written for Movie/TV/Stage Play para sa movie niyangMiss Granny na idinirek ni Joyce Bernal.
Ibinuhos ni Sarah ang lahat ng kanyang damdamin sa nasabing kanta na kung saan ang composer ay si Miguel Mendoza na para raw sa kanyang namayapang ama.
Ginamit ang kanta sa isang eksena sa Miss Granny na kung saan habang malapit nang sumalang ang bandang binuo nina Sarah at James Reid sa isang contest, saka naman hindi sumipot ang huli. ‘Yun ay dahil naaksidente pala ito.
Mas piniling ituloy ni Sarah ang pagkanta ng Isa Pang Araw habang isinusugod sa ospital si James na kanyang apo sa nasabing pelikula.
Masarap talagang ulit-uliting panoorin ito, sobrang nakakaiyak. Makaka-relate dito ang mga apo na maka-lolo at lola’s boy/girl.
Samantala, puwede nang mapanood ang Miss Granny sa Netflix.