Out na ang pinakahihintay na new track ni Sarah Geronimo na may title na Ang Tangi Kong Pangarap kasabay ng music video mula sa bagong pelikula ng Popstar Royalty na ang pamagat ay Unforgettable na teaser pa lang ay panalo na.
Bale ba, ang ganda ng emotional rendition ni Sarah ng kanta na originally ay kinanta at composed pala ni Rico Blanco.
Kakaiba naman ang pelikula na tungkol sa journey ng character ni Sarah kasama ang may sakit nitong lola at alaga nitong aso na si Milo na trailer pa lang ay nakakaiyak nang panoorin.
Ang galing ni Sarah G at ng aso na si Milo, ang cute sa mga trick na kaya nitong gawin na tiyak makaka-relate ang mga dog lover.
Plus yung kino-comfort siya ni Milo habang umiiyak si Sarah G ay sobrang touching kaya hindi na makapaghintay ang fans na mapanood ang buong movie na ngayon pa lang ay hinuhulaan nang magiging box office hit.
Mapapanood ito sa Oct. 25, 2019.