Magkasama sina Moira dela Torre at Daniel Padilla bilang interpreter sa kantang isinulat ni Dan Martel Simon Tañedo, ang Mabagal na isang entry sa Himig Handog 2019.
Pangalawang beses nang duet ito nina Daniel at Moira, dahil ang una ay sa ASAP Natin ‘To last May, at talagang nagklik sila rito.
Unfair naman ang sinasabi ng bashers ni Daniel na si Moira lang ang nagdadala sa kanilang kanta, kahit sa gagawin nilang kanta ngayon. Hindi alam nang marami na bukod sa pag-arte ay maganda rin ang boses ni Daniel.
Malaki na ang improvement ni Daniel bilang isang singer, kahit anong sabihin ng bashers nito ay patuloy pa rin ang fans niya sa pagsuporta sa kanya.
Samantala, excited na sina Moira at Daniel na mapabilang sa finalists ng Himig Handog at inaasahan nilang magiging hit din ang kakantahin nilang iyon.